ഗ്രീന്‍ കേരള എക്‌സ്പ്രസ് IV th Schedule  ല്‍ ഞങ്ങള്‍ പോയത് മലപ്പുറം ജില്ലയിലെ വേങ്ങര, പളളിക്കല്‍, തിരുവാലി   തൃശ്ശൂര്‍ ജില്ലയിലെ തിരുവില്വാമല എന്നീ പഞ്ചായത്തുകളിലേക്കായിരുന്നു. കാര്‍ഷിക ഗ്രാമം എന്നതിലുപരി 'ഗള്‍ഫ് മേഖല' യായി അറിയപ്പെടുന്ന വേങ്ങര ഗ്രാമ പഞ്ചായത്തിന്റെ വികസന സ്വപ്നം തന്നെ ഗള്‍ഫിലേക്ക് പോകുന്ന വരും തലമുറക്ക് ആവശ്യത്തിനു വിദ്യാഭ്യാസം  നല്‍കുക എന്നതായിരുന്നു.  അതിനായി വിദ്യാജ്യോതി എന്ന പദ്ധതി എല്ലാ ജില്ലകളിലും അവര്‍ ആരംഭിച്ചു.  ഊരകം മല മുതല്‍ കടലുണ്ടി പുഴ വരെ അതിരിട്ടു കിടക്കുന്നതാണ് വേങ്ങര പഞ്ചായത്ത്.

തുടര്‍ന്ന് 13/3/10 നു ഞങ്ങള്‍ പള്ളിക്കല്‍ ഗ്രാമ പഞ്ചായത്താണ് ഷൂട്ട് ചെയ്തത്. കൃഷിക്കു പ്രാധാന്യം നല്‍കികൊണ്ട് പഞ്ചായത്ത് നടത്തിവരുന്ന പ്രവര്‍ത്തനങ്ങളെല്ലാം തന്നെ വളരെ വിലപ്പെട്ടതാണ്.  കരിപ്പൂര്‍ എയര്‍പോര്‍ട്ട് ഉള്‍ക്കൊണ്ടിരിക്കുന്ന ഈ പഞ്ചായത്തില്‍ ഗള്‍ഫിലേക്ക് പച്ചക്കറികള്‍ കയറ്റി അയയ്ക്കുന്ന യൂണിറ്റുകള്‍ വളരെയേറെയുണ്ട്.  മലബാര്‍ മലയാളികള്‍ക്ക് മലബാറില്‍ നിന്നു തന്നെയുളള പച്ചക്കറികള്‍ നല്‍കുക എന്നതാണത്രേ അവരുടെ ലക്ഷ്യം