ആദ്യത്തെ ഷൂട്ടിംഗ് അനുഭവങ്ങളുടെയും ഗ്രീന്‍ കേരള എക്സ്പ്രസിനെപ്പറ്റിയുള്ള കൂടുതല്‍ അറിവുകളുടെയും അകന്പടിയോടെയുമായിരുന്നു പഞ്ചായത്തുകളിലേക്കുള്ള ഞങ്ങളുടെ രണ്ടാംഘട്ട യാത്ര. എറണാകുളം ജില്ലയിലെ കൂത്താട്ടുകുളം, ഏലൂര്‍, മരട് എന്നീ പഞ്ചായത്തുകളും തൃശ്ശൂര്‍ ജില്ലയിലെ കൈപ്പറന്പ് പഞ്ചായത്തും ഉള്‍പ്പെട്ട ഷൂട്ടിംഗ് പ്രദേശങ്ങളിലേക്കായി ഫെബ്രുവരി 8~ാം തീയതി ഞങ്ങള്‍ യാത്ര തിരിച്ചു. ഉറങ്ങിയും മുക്കിയും മൂളിയും ടെന്പോ ട്രാവലര്‍ സാരഥി ഞങ്ങളെ രാത്രി രണ്ടരയോടെ എറണാകുളത്ത് എത്തിച്ചു.

1996ല്‍ ആരംഭിച്ച ഫുട്ബോള്‍,വോളിബോള്‍ പരിശീലന കേന്ദ്രങ്ങള്‍ ചിത്രീകരിച്ചു. നിരവധി പ്രതിഭകളെ കായിക കേരളത്തിന് സമ്മാനിച്ചിട്ടുള്ള ഈ കേന്ദ്രത്തില്‍ സംസ്ഥാനത്തിന്‍റെ വിവിധ പ്രദേശങ്ങളില്‍ നിന്നുള്ള താരങ്ങള്‍ പരിശീലനം തേടിയെത്തുന്നുണ്ട്. അന്പെയ്ത്ത് പരിശീലനവും പ്രദേശത്ത് നടക്കുന്നുണ്ട്.